ရန်ကုန်မြို့ လှိုင်သာယာအရှေ့ပိုင်းမြို့နယ်ရှိ အောင်ကမ္ဘာကုမ္ပဏီ၏ မြန်မာနှစ်ကူး သင်္ကြန်အကြို ပျော်ပွဲရွှင်ပွဲနှင့် အလှူဒါနပြုခြင်း ကျင်းပရာ အခမ်းအနားသို့  ကုမ္ပဏီတာဝန်ရှိ လူကြီးမင်းများနှင့် ဝန်ထမ်းများစုံညီစွာတက်ရောက်ကြသည်။

အခမ်းအနားပထမပိုင်းကို မနက် ၁၀ နာရီ တွင်စတင်ကျင်းပပြီး  ကုမ္ပဏီမှ လှူဒါန်းသော စတုဒီသာမုန့်များနှင့် Chief Financial Officer မိသားစုမှ လှူဒါန်းသော ကြက်ဥများကို ဝန်ထမ်းတဦးချင်းအလိုက် အလှူရှင်ကိုယ်တိုင် ပေးအပ်သည်။ ဆက်လက်၍ ပျော်ပွဲရွှင်ပွဲအစီအစဥ်အနေဖြင့် ဝန်ထမ်းများမှ  ကာရာအိုကေသီချင်းများ ပျော်ရွှင်စွာ သီဆိုကြသည်။

ထို့နောက် နေ့လည် ၂ နာရီတွင် ဗလာမပါငွေသား ကံစမ်းမဲအစီအစဉ်ကို  ဆက်လက်ကျင်းပရာ ကံစမ်းမဲများကို ဝန်ထမ်းတဦးချင်းအလိုက် နှိုက်ယူကံစမ်း ကြရာ ပထမ၊ဒုတိယ၊ တတိယစသည်ဖြင့် ဆုရရှိသူအသီသီးကို သက်ဆိုင်ရာ ဌာနခေါင်းဆောင်များမှ  ဆုချီးမြှင့်ပေးအပ်ခဲ့သည်။

အစီအစဉ်နောက်ဆုံးပိုင်းဖြစ်သည့် ကုမ္ပဏီဝန်ထမ်းများ၏ သက်ကြီးဖိုးဖွားများနှင့် ကလေးသူငယ်များ အတွက် ကုမ္ပဏီမန်နေဂျင်းဒါရိုက်တာ မိသားစုမှ အသက် ၇၀နှစ်အထက် မိဘတစ်ဦးရှိလျှင် ငွေကျပ် ၁၅၀၀၀၀ နှင့် အသက် ၁၂ နှစ်အောက်ကလေးငယ်တဦးရှိလျှင်  ငွေကျပ် ၃၀၀၀၀ နှုန်း ဖြင့် ပေးအပ်လှူဒါန်းရာ အလှူရှင်မိသားစု ကိုယ်စား ဌာနခေါင်းဆောင်များမှ ပေးအပ်ချီးမြှင့်ရာ ဝန်ထမ်း တဦးချင်းအလိုက် လက်ခံ ရယူကြသည်။

ထို့နောက်တွင် အခမ်းအနားကို အောင်မြင်စွာရုတ်သိမ်းခဲ့သည်။

ဤကဲ့သို့ မြန်မာ့ရိုးဟာ မဟာသင်္ကြန်မတိုင်ခင် လှူဒါန်းထောက်ပံ့ပေးခြင်းအပေါ်  ဝန်ထမ်းများနှင့် မိသားစုဝင်များပါ အထူးပင်ဝမ်းမြောက်ပျော်ရွှင်ကြပြီး အလှူရှင်မိသားစုကိုလည်း ဆုတောင်းမေတ္တာများ ပို့သလျက်ရှိကြောင်း သတင်းရရှိပါသည်။